Arrasateko Besaide Mendizale Elkarteak hilaren 10ean aurkeztu zuen Udalatx, ura eta atxa. 40 minutuko iraupena duen ikus-entzunezkoa da eta aitortza egiten dio Udalatxen balio historikoari, kulturalari eta naturalari. Bihar, zapatua, izango da jendaurreko aurkezpena. Eguerdian emango dute Bilboko Mendi Film Festivaleko sail ofizialean, eta iluntzean hiru emanaldi izango dira Arrasateko Amaia antzokian. Eñaut Iturbe zuzendaria eta Iban Ayesa errealizadorea izan dira 'Hemen Debagoiena' saioan.
Hasiera batean bi emanaldi iragarri zituzten Arrasaten; 18:00etan eta 19:00etan. Berehala agortu ziren sarrera guztiak, eta atzo hirugarren emanaldi bat egitea adostu zuten. 20.00etan izango da, baina emanaldi horretarako sarrerak ere agortu egin dira.
Elorrioko Arriola antzokian emango dute hurrengo, urtarrilaren 18an.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.