1963. urtean sortu zen AGA enpresa Arrasaten. Tailer txiki batean eman zituzten lehen pausoak, ondoren egun duten egoitzara mugitu arte. Sei hamarkada daramatzate sarrailetarako osagaiak egiten.
Hiru linea lantzen dituzte: oinarrizkoak, segurtasun handikoak eta pertsonen segurtasuna bermatzeko sarrailak. Honetarako mekanizazioan eta materialen deformazioan lan egiten dute; gainera, sarrailetarako behar diren osagai guztiak bertan egiten dituzte.
Teknologiari lotutako proiektuak ere badituzte, esaterako, etxebizitzetarako sarraila adimendunak egiten dituzte, mugikorretik kontrola daitezkeenak.
