Zelakoa izango zen herri bat izakien arteko elkarbizitza eta zaintza erdigunean jartzen dituena? Eta zelakoa izango zen gure harremana beste pertsona batzuekin? Eta animaliekin? Zelan konponduko genituzke elkarbizitza arazoak? Arrasateko Haurren Kontseiluak galdera horiek guztiak eta beste hainbat planteatu zituen 2020-2021 ikasturtean, pandemia garai betean. Galdera detonatzaile horietatik abiatuz, elkarbizitzaren eta zaintzaren inguruan hausnartzen lagunduko duen mahai joko baten sorrera abiatu zuten eta Sekuoia! jolasa da hazi horren emaitza.
