Zigor Martinez Arrasate Musikaleko Big Bandeko zuzendariaren hitzetan, urterokoa izan arren "berezia" da ekitaldia, kurtsoko azkena baita: "Irailean hasten garenetik, kurtso bukaerako ekitaldia erronka bezala hartzen dugu, eta maila handiagoko zenbait piezarekin aritzen gara lanean".
Taldean 28 pertsona izan arren, gaur 24 lagun arituko dira oholtzaren gainean, eta gonbidatuak ere izango dituzte, "berritasun" moduan; izan ere, herriko beste kultur eragile batzuekin arituko dira, zuzendariak "aspalditik buruan" zuen euskal folkloreko kutsu pieza ekartzea lortu baitute.
