Hileko hirugarren zapatuetan egiten duten moduan, bertako eta garaiko produktuen azoka egingo dute zapatuan, Seber Altube plazan. Arrasateko Udalak eta Debagoieneko Mankomunitateak elkarlanean, Debagoieneko txakolina dastatzeko aukera izango da.
Ohi moduan, 9:00etatik 14:00etara bitartean izango da azoka eta askotariko produktuak erosteko aukeraz gainera, Debagoieneko gaztarekin egindako pintxoak eta txakolina dastatzeko aukera izango dela kontatu du azokako antolatzaile taldeko Nerea Lazpiurrek Arrasate Irratiko gaurko, astelehena, Igo autobusera! saioan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.