Ander Izagirre: "Pentsatzen dugu globalizazioa gaur egungoa dela, baina iraganeko euskaldunak ere kanpora begira bizi ziren"

Euskaldunen herriari itzuli geografikoa, historikoa eta mentala proposatzen digu Ander Izagirre idazle donostiarrak bere azken argitalpenean: Vuelta al país de Elkano liburuan, alegia. Saiakera historikoarekin nahasten den abentura-narrazioa da, eta Getarian hasi eta Getarian amaitutako 750 kilometroko bizikleta-bidaia dago oinarrian. Ander Izagirre Arrasaten izan da liburua aurkezten Udal Bibliotekak gonbidatuta, eta Hemen Debagoiena saiotik ere pasa da.