Euskal kreditu-kooperatibak Euskadi Fundazioaren gizarte eta kirol-proiektuarekin duen lotura eta konpromisoa azpimarratu dituzte Komunikazio zuzendari Marije Etxanizek eta Emakumezko taldearen manager nagusi Aitor Galdosek gidatu duten agerraldian.
Oinarriko taldeei laguntza ematen jarraitzeaz gain, jauzi kualitatibo handia egingo da emakumeen egitura bultzatzeko, 2024tik aurrera WorldTourrean plaza bat lortzea dute-eta helburu nagusi. Eta hasitako bide horretan eskutik doaz Laboral Kutxa, babesle nagusia eta bestelako babesleak ere.
16 txirrindulariko taldea
Talde sendoa osatu dute Galdosen esanetan. "Seik txirrindularik berritu egin dute kontratua eta beste hamar ziklista, berriak dira. Eider Merino da liderra, eta, orokorrean, indar handiko kideak ditugu. Hamaseiko muga dugu, eta, zoritxarrez, Debagoieneko ordezkaririk ez da izango oraingoan".