Badira, dena den, auzotarrek garrantzitsutzat jotzen dituzte beste zenbait premia. Tartean dira aparkaleku falta eta hiri-altzariekin edo garbitasunarekin lotutakoak.
Partaidetzazko azterlana osatzeko bigarren fase bat egongo da orain. Helburua da banakako elkarrizketa egitea zazpi kolektibotako ordezkariekin. Hala nola, auzo-akatetzarekin, Abesantes auzo elkarteko kideekin, hainbat atarietako ordezkariekin, ostalariekin, merkatariekin eta ikastolako arduradunekin. Gauzak ondo bidean elkarrizketa sorta abendua amaitu aurretik egitea aurreikusten du prozesuko arduradun Patxi Arratibelek.
Orain arte bildutako datuak ezagutzera emateko agerraldian izan dira Santa Marinako auzo-alkate Matilde Martin zein Obra eta Zerbitzuetako zinegotzi Victoriano Fuentes. Arrasateko Udalak 11 milioi eurotik gorako inbertsioa aurreikusten du auzunerako. Alde batetik eraikinen eta etxebizitzen birgaitze integralean eragiteko, eta bestetik auzoan igogailu publikoak jartzeko