Hasi dituzte Juan Arzamendi Musika Etxea ezagutzeko bisita gidatuak

Bisitetan parte hartu duten lehen herritarrak gustura geratu dira ikusitakoarekin. Guztira hogei bisita izango dira, abenduaren 2tik 16ra bitartean. Izena emateko, BAZera jo daiteke edo webgunearen bidez egin: www.arrasate.eus.

Goikobalu abesbatzarekin eta Arrasate Musikalekin elkarlanean antolatu ditu bisitak Udalak eta gidari lanak Arrasate Musikaleko Igor Larrañagak egiten dihardu. Aprendices eraikina Juan Arzamendi Musika Etxera zelan eraldatu den ikusten ari dira herritarrak.

Bisitak astean honako egunetan izango dira: abenduaren 7an eta 14an, eguaztenak –bi bisita goizez eta beste bi arratsaldez–; abenduaren 9an eta 16an, egubakoitzak –bi bisita goizez eta bat arratsaldez–; eta abenduaren 3an eta 10ean, zapatuak –bi bisita goizez–. Azalpenak euskaraz eta gazteleraz emango dira.

Izena emateko epea zabalik dago gaurtik webgune bidez edo BAZen. Gehienez ere 25 pertsonak hartuko dute parte bisita bakoitzean; hortaz, guztira 500 lagunendako lekua egongo da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.