Datorren astean, hilaren 18an hasiko da 2022ko Euskaraldia eta gutxinaka bada ere ari da sare polita osatzen. Arrasaten esaterako herriko 186 entitate ezberdinek hartuko dute parte, belarriprest eta ahobizi roletan banatuta. Monterron parkean izan ziren talde argazkia ateratzen eta jada prest dira Euskaraldiaren olatuan murgiltzeko.
Izen ematea oraindik zabalik dago eta antolakuntzatik "kezkatuta" agertu dira, norbanakoan, ez direlako momentuz esperotako erantzuna izaten ari. Astebete falta da eta seguruenik izen emate kopuruak gora egingo du, baina antolakuntzatik dei egiten diete herritarrei, parte hartzeko; eta zalantzan daudenei, lotsak eta kezkak alde batera utzi eta ahobizi edo belarriprest esperientziarekin gozatzeko.
