Korrika izan zen apirilean eta azaroan abiatuko da Euskaraldia, eta datozen hilabeteetan "euskaltzaleak aktibatzeko" asmoz, askotariko ekitaldi gehiago izango dira; maiatzaren 21ean, zapatuan, esaterako, Gazte Euskaltzaleen Sareak bultzatuta Euskara aurrera manifestazioa izango da Donostian.
"Gazteek erakutsi duten aktibazio-nahia sustatzeko asmoa" duen kale agerraldia, Antiguako tuneletik abiatuko da, 17:30ean. AED elkarteko Ttak, gazteen taldeak, bat egin du zapatuko deialdiarekin eta gaur, eguaztena, Arrasate Irratiko Igo Autobusera! saioan taldeko kide Oihan Loiti izan da zapaturako gonbidapena egin eta gaiaren gaineko azalpenak emateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.