Nora Salbotx: "Hezkuntzan hasi beharko genuke muga batzuk hausten, eta begiradak aldatzen"

Irakasle eta psikopedagogo nafarrak azaroan aurkeztu zuen Askatu edo moztu. Euskal hezkuntzagintzaren erronka zahar eta berriak liburua. Gurean indarrean diren hezkuntza sistemen erradiografia egin du, eta azpimarratu du frantsesten eta espainiartzen gaituen hezkuntza sistemak izateaz gainera, besteak beste, begirada feminista eta klase begirada falta dutela. Ohartarazi du arerioa ez dela pareko ikastetxea edo hezigunea, eta nor bere lubakian jarraitu beharrean garaia dela autodefentsa posizioetatik irten eta eraikitzaileak izango diren espazio partekatuak sortzeko.