Duela 125 urte gertatutakoak prentsa idatzian jasota geratu zirenez, ikertzeko nahiko material izan du Irurtzunek. Tartean, Arrasateko Udal Bibliotekak erraztu dio dokumentazioa. Hala, aukera izan du, bailarako gertaerez harago, testuinguru osoaren erradiografia bat osatzeko. Garai kontraesankor eta aldakorrak zirela azaldu du Irurzunek.
Santa Agedako bainu-etxera prestigio handiko pertsonak joaten ziren atseden hartzera, tartean, Canovas del Castillo politikari eskuindarra. Errepresio politiko ugariren erantzule, anarkistak jazarri izanagatik hiru tiro eman zizkion bainu-etxean bertan Michelle Angiolillo italiarrak. Erailketa hark bainu-etxea ixtea ekarri zuen, harik eta Aita Menni apaizak eraikina erosi eta zentro psikiatriko bilakatu zuen arte. Angiolillori heriotza zigorra ezarri zioten, Bergarako kartzelan. Gaur egun liburutegia dago bertan, eta Irurzunek ondo daki hori, Tratado de Hortografia edota Chucherias Herodes liburuak aurkeztu dituelako hor.
Santa Agedako bainu-etxean jazotakoak modu entretenigarrian ezagutu nahi dituenak, Interneten eta Elkar liburu-dendan eros dezake nobela, edota Arrasateko Udal bibliotekan maileguz hartu.
