Pandemiak denbora luzez eta gogor eragin dio eskola kirolari, baina ikasturte berria –protokoloetara egokitu behar izan diren arren– ohiko entrenamendu eta lehiekin hasi zuten gaztetxoek. Nolanahi ere, seigarren olatuaren eraginez, Gabon jaien ostean, lehiak eteteko agindua eman zuen Osasun Sailak, eta Leintz Eskola Kirolak, esterako, gaur berrartu ditu asteburuko jarduerak.
Errugbi topaketa egin dute neska-mutikoek, eta Julen Aranbarri LEKeko arduradunetako batek azaldu du, eguraldia makur samarra izan arren, "gustura" aritu direla. "Astean zehar egindako lana plazaratzeko eta gainerakoekin harremanak estutzeko balio izaten dute asteburuetako jarduerek. Gozatzeko eta osasuntsu egoteko modua bat da".