Irene Aguriondo: "Aniztasun funtzionala duten gazteei dibertitu, ikasi eta ahalduntzeko espazioa eskaintzea da gure helburua"

Aniztasun funtzionala duten gazteentzako saioak egiten ari dira Arrasaten, hilean behin, zapatuetan: sormena eta askatasuna bultzatzen dituzte, dantzaren eta musikaren laguntzarekin. Arrasateko Udaleko Gazteria eta Aniztasun sailek elkarlanean bultzatutako eta BASH Taldeak gidatutako ekimena da. Eta talde horrek gidatuta, justu, saio berezia egingo dute bihar, urtarrilak 29: saio inklusibo bat, gonbidatu berezi eta guzti.