Arrasaten egin zuten atzo Arizmendiarrieta Kristau Fundazioaren urteko batzarra, modu presentzial eta telematikoan. Pandemiak atzeratuta, Kontseilu Errektorearen jardueren eta kudeaketa ekonomikoaren informazioa eskaini zuten, 2020ko ekitaldiari eta aurtengo lehen 9 hilabeteei dagozkienak.
Hitzordua aprobetxatuz, fundazioaren garrantzia azpimarratu zuten Kontseilu Errektoreko kideek, gaur egun ere Arizmendiarrietaren baloreen zabalkundean ezinbesteko lana egiten dutela azalduz. Jose Maria Arizmendiarrietaren heriotzaren 45. urteurrena aprobetxatuz, Arizmendiarrieta hilabetea antolatu dute, azaroaren 2an hasi eta abenduaren 2ra arte. Horren baitan hainbat ekintza eta jardunaldi izango dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.