Lehenengo laurdenean 19 eta 21 ari ziren galtzen etxekoak. Mataren esanetan gaizki hasi dute partida MUko mutilek: "Intentsitatea falta izan zaigu defentsan". Bigarren laurdenean, aldea handitu egin da (38-50), baina hirugarrenean etorri da ezustea. Markagailua irauli dute etxekoek; aurretik jarri dira (66-65). "Azkarrago jokatu dugu, erreboteak baliatzen jakin dugu eta partidan sartu gara", esan du entrenatzaileak. Eskura izan dute garaipena MUko jokalariek, baina ez dute lortu: 79 eta 86 bukatu da lehia.
