Amaia Albes: "Ilusio handia dut irailean jostun-akademia zabaltzeko"

Aitziber Aranburuzabala Juldain 2021ko ira. 6a, 18:16

Ikasturte hasierak aproposak izaten dira asmo berriak abiatzeko, eta hala egingo du Arrasateko diseinatzaile eta jostun Amaia Albesek; ezkongaien soinekoak josten jarraituko duen arren, "gogotsu" dago irailean jostun-akademia eta moda-estudioa zabaltzeko.

Gustuko du josten eta jantziak diseinatzen erakustea eta ibilitakoa da orain dela urte batzuk Debagoieneko herri askotan ikastaroak ematen. Aro berri bat abiatzeko "ilusioz" dagoela kontatu du Arrasate Irratiko Uda giroan saioan, gaur, astelehena. Datorren astean egingo dute mimoz atondu duen akademia ezagutzera emateko ate irekiak ekitaldia, eta hurrengo asteetan hasiko da etorkizuneko jostunak hezten.

Harrobi dantza taldearen diseinatzailea ere bai

Apirilean hasi zen dantza bertikala ikuskizunak egiten duten Harrobi taldearekin lanean, harrezkero, bera da taldearen jantzien diseinatzailea eta arduraduna. "Egiten ditudan beste joskintza-lanekin alderatuz, oso ezberdina da hori, eta horregatik dut, bereziki, oso gustuko. Jantziak diseinatzea da nire egin-beharrekoa, baina ez da gauza bera ezkongai batendako sortu edo hormetan gora eta behera dabilen dantzariarendako".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak