Iaz Santa Barbarakoa inauguratu ostean, aurten, Villa Amparokoa, Maalako biribilgune ondokoa, inauguratu dute. Biak ala biak gaur, eguena, ireki dituzte aurtengo denboraldirako, nahiz eta eguraldiak askorik ez duen lagundu eta bainujantzi gutxi ikusi diren goizean.
Villa Amparokoan 5 eta 12 urte artekoentzako askotariko 18 jolas daude eta Santa Barbarakoan, 29 jolas. 10:00etatik 20:00etara egongo dira erabilgarri bi ur-parkeak, egunero.
Udal Gobernuak parkeen erabilera arduratsua egiteko eskaera luzatu die herritarrei. "Beharrezkoa izango da, COVID-19aren aurrean, segurtasun eta prebentzio neurri oro betetzea. Debekatua dago ur instalazioetan jan eta edatea, maskotekin egotea edota beirazko objektuak eramatea".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.