Hiru adin tarte ezberdinetako talde elkartuko dira eta adin tarte bakoitzak bere herrixka propioa izango du Sorgingunean: LH 4, 5 eta 6 mailakoek, hau da, 9-12 urte bitartekoek, Aizkomendi herrixka osatuko dute; DBHko 1. eta 2. mailakoek Gebara herrixka; eta DBHko 3. eta 4. mailakoek Sorginetxe herrixka. Hortaz, 9 eta 16 urte bitarteko aurre-nerabe eta nerabeak elkarbiziko dira udaleku itxietan.
Euskara, natura eta sormena
COVID-19ak ekarri dituen zailtasun eta erronkez jabetu arren, Txatxilipurditik aurre-nerabe eta nerabeek euskaraz, naturaz, sormenaz eta bizikidetzaz bustitako oporraldia merezi dutela adierazi dute, eta hortaz, udaleku itxiak eskaintzeko urratsa eman dute. Bestalde, osasun agintarien "protokolo eza" nabarmendu dute eta sektore horretan oinarri batzuk finkatzeko beharra dagoela azpimarratu.