Arrasate Irratiko Igo Autobusera! saioko gaurko, astelehena, elkarrizketaren tartean, Arrasateko Udaleko teknikari Nerea Lazpiurrek datorren asteburuko baserritarren azokako ezaugarriak azaldu ditu: "Ez da ekintza berezirik izango baina karapaixoa izango da protagonista nagusietako bat, eta herrian egindako hiru karapaixo mota erosteko aukera izango da; horrez gain, hamabi karapaixo zozkatuko ditugu".
Bedoñako Ainara Abasolo ere gaurko ibilbidean lagun izan dute, eta zapatuan Seber Altube plazara, karapaixoak gainera, glutenik bariko eta bestelako gaitzak dituztenentzako askotariko gozoak eramango dituela kontatu du. Hemen elkarrizketa osoa entzungai.
