Lanak azaroan hasi zituzten, 1,7 milioiko aurrekontuarekin. Lehen fasean 820 metroko tarte bat egingo dute, eta behin hori amaituta, 800 metroko bigarren zati bat. Lehen faseko lanak 2021eko abenduan ziren amaitzekoak, baina lanen arduradun batek GOIENAri adierazi dio "dena ondo bidean, estimatutako epea baino lehenago amaituko dituztela lehen faseko lanak".
Une honetan indusketa lanak egiten ari dira, mendi magalean lekua egite aldera. Apiriletik aurrera drainatze, egonkortze eta leuntze lanak hasiko dituzte. Obra arduradunen esanetan, asteburu honetan semaforoak jarriko dituzte eta trafikoa txandaka joan beharko da hurrengo hamar egunetan.
Behin lanak amaituta, Elorriotik Arrasaterako bidea egitean 4,5 minutu aurreztuko direla aurreikusten du Bizkaiko Foru Aldundiak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.