Aurtengo berrikuntzetako bat da bi egitarau izango direla: alde batetik, haur eta familientzako Txikilandia egongo da, eta bestetik, 9 urtetik gorakoentzako GazteEkin egitaraua antolatu dute. Aurten ekintzak Uarkape pilotalekuan izan beharrean, besteak beste, herriko kaleetan, gaztetxean, ludoteketan, gaztetxokoetan edo Biteri plazako karpan egingo dituzte.
Osasun neurriak bermatze aldera, talde txikietan izango dira ekintzak, eta parte hartzaile kopurua mugatuta egongo da. Hala ere, hainbat txanda antolatzen ahaleginduko dira, ahalik eta jende gehienak gozatu dezan ekintzetaz.
Parte hartzeko sarrera eskuratu beharko da. Euro batekoa da prezioa, ekintzako eta pertsonako. Aurrez erosi beharko dira kalean jarriko duten informazio puntuan. Abenduaren 21ean, 22an eta 23an, Seber Altuben egongo da, 12:00etatik 14:00etara; eta hilaren 28an, 29an eta 30ean, Biteri plazan, 18:00etatik 20:00etara. Sarrerak mugatuak izango dira, eta agortzen doazen heinean, Txatxilipurdiko sare sozialen bitartez jakinaraziko diete herritarrei. Ekintzaren egunean oraindik saldu gabeko sarrerak badaude, momentuan bertan eskuratzeko aukera egongo da.
Horrez gain, familia zaurgarriek laguntza bat jasoko dute. Hiru ekintzatan parte hartzeko aukera izango dute euro bat ordainduta.
Egitaraua
TXIKILANDIA
Urtarrilak 2
10:30 - 13:30. Natura jolasean, Monterronen.
12:00-13:30. Munduan berbena ikuskizuna, Biteriko karpan.
16:30-20:00. Probatu eta gozatu, Okendoko ludotekan.
18:00. Ipuin kontaketak, Usaetxeko ludotekan.
Urtarrilak 3
10:00-13:30. Familian irteera, Kurtze Txikira.
10:30-13:30. Esperimentazio txokoa, Usaetxeko ludotekan.
17:00-20:00. Musikatzen, Okendoko ludotekan.
18:00. Ipuin kontaketak, Usaetxeko ludotekan.
Urtarrilak 4
10:30-13:30. Ginkana, herritik zehar.
10:30-13:30. Sukaldaritza tailerra, Erdiguneko gaztetxokoan.
17:00-18:30. Esperimentazio txokoa, Okendoko ludotekan.
18:30. Ikuskizuna, Biteriko karpan.
GAZTEEKIN
Urtarrilak 2
10:30 - 13:30/17:00-20:00. Parkour ikastaroa, kanpo espazioan edota Erguingo gaztetxokoan.
17:00-20:00. Bideogintza tailerra, Erdiguneko gaztetxokoan.
Urtarrilak 3
10:30 - 13:30/17:00-20:00. Scape Room, Erdiguneko gaztetxokoan.
10:30-13:30. Kustomizazio tailerra, gaztetxean.
17:00-20:00. Eskalada/sukaldaritza, Erguineko gaztetxokoan.
Urtarrilak 4
10:30 - 13:30. Sexualitate tailerra, gaztetxean.
17:00-20:00. Serigrafia tailerra, gaztetxean.
