Dagoeneko 12.500 pertsonak eskatu dute hitzordua baheketan parte hartzeko eta horietako asko gaur goizean bertan pasatu dira Debagoieneko Ospitaleko kanpo kontsulten eraikinetik. Proba egitera deitutakoen artean, 5.500 ikasle inguru ere badaude, tartean, bertakoak izan ez arren Arrasaten ikasten dutenak.
Osasun arduradunek azaldu dute Arrasateko intzidentzia tasa jaisten ari den arren, oso motela ari dela izaten hori, eta ez dakitela zein izan daitekeen arrazoia. Hala, hori jakiteko proba egitera animatu dituzte herritar guztiak.
Gaurtik eta egubakoitzera bitartean, 10:00etatik 20:30era egingo dituzte probak, eta mugikortasun arazoak dituztenendako, proba autotik jaitsi gabe egiteko aukera ere egongo da arratsaldetan, horretarako jarri duten karpa bati esker. Hitzordua hartzeko honako telefono zenbakietara deitu behar da: 943 03 52 50 edo 900 20 30 50.
