Urtero legez, frankismoaren biktimei lore eskaintza egin zitzaien Jose Maria Arizmendiarrieta plazan. Ondoren, ekitaldia ixteko, Intxorta 1937 kultur elkartearekin batera kaleratutako Emakumeon memoria 1937 liburua aurkeztu zuen Aiert Zubigarai gidoilari eta komikigileak.
Oraindik etortzeko dagoen komikiaren aurrerapena dela azaldu zuen; hain zuzen ere, aurkeztutako liburua komikiaren lagina dela: testuinguru historikoa, frontearen kokapena, garaiko argazkiak eta gertaeren kontakizuna egin duten emakumeetako batzuen erreferentziak agertzen dira, eta baita komikiaren aurrerapenak ere.