Gazteleraz eta euskaraz argitaratutako liburuen gaineko azalpenak eman zituen egileak, mindfulness-a ezagutarazteari garrantzia emanez. Besteak beste estresari aurre egiteko laguntzen duela teknik honek adierazi zuen Fernando Rodriguez doktoreak, eta atentzio jartzeari garrantzia eman behar zaiola azpimarratu zuen. "Anglicismo bat da. Arreta konzientea esan gura du mindfulness-ak. Arreta erabiltzen ikasten da modu eraginkor batean; atentzioa landu beharra dago, eta funtzezkoa da. Pertzepzioa, oroimena… atentzioaren ondorio gisa gertatzen dira".
Garapen pertsonalerako eta sozialerako baliagarria
Teknika honek budismoan du jatorria, eta norberak bere burua kontrolatzen laguntzen du, nerbio sistema kudeatzen eta norberaren pentsamenduak ezagutzen. Une bakoitzean pentsatzen, sentitzen edo egiten ari garenari arreta jartzen, zentratzen eta kontzentratzen laguntzen duela adierazi zuen idazleak. Garapen pertsonalerako eta garapen sozialerako oso garrantzitsua dela ere azpimarratu zuen.
Mindfulness-aren nondik-norakoak batzen dituen liburuaren gainekoak azaltzeaz batera, teknikaren gaineko formakuntza saioak ere eskaintzen dituztela adierazi zuen Rodriguezek.