Errepide horretan goizean sortzen diren auto-ilarei eta kamioiek eragindako zirkulazio motelari aurre egiteko neurria da. Elorrio eta Arrasate lotzen dituen errepidea, errepide motela da, zirkulazio handia izaten duelako, eta, errepidearen beraren ezaugarriei dagokienez, makurra eta bihur-gune askokoa da orokorrean.
Hamahiru hilabeteko lanak
Bizkaiko Foru Aldundiak. Zehaztutakoaren arabera, 13 hilabete iraungo dute lanek, eta 1.700.406,01 euroko aurrekontua onartu dute, BEZa barne. Beasain eta Durango arteko ardatza errepide azkarra izan dadin azken 25 urteetan Gipuzkoako eta Bizkaiko foru aldundiak, zatika, egiten aritu diren lanen baitan egingo dute hirugarren erreia Kanpanzarren ere. Ingurumenari dagokionez, Bizkaiko Foru Aldunditik zehaztu dute hirugarren errei hori egiteak ez duela kalte "esanguratsurik" ekarriko.