Bidaia liburuak eta askotariko liburuxkak biltzen dituzte Garibai etxean dagoen Gazte Informazio Bulegoko Bidaiateka txokoan, eta asko dira hara joaten direnak oporrak antolatzeko pista bila; aurten, Euskal Herriko txokoetako informazioa da eskatuena, hala kontatu du Dorleta Kortazarrek Arrasate Irratiko Uda Giroan saioan gaur, martitzena.
Turismorako lagungarri diren informazioaz gainera, Gazte Bulegoan egiten dituzten txartelei buruz ere jardun du Gazte Informazio Bulegoko teknikariak, horien artean, MUGI txartela, ikasleena eta aterpetxeetakoa. Horrez gainera, alokairuko etxebizitzetarako Udalak gazteentzako dituen diru-laguntzen gainekoak ere azaldu ditu Arrasate Irratiko ikasturteko azken Gazte Bulegoaren tartean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.