Lau langileri PCR proba errepikatzeko eskaera egin du Aita Mennik

Asteburuan eman du jakitera Aita Mennik, ospitaleko langileei egin dizkieten proben artean, bostek PCR proban positibo eman dutela. Nekane Murga osasun sailburuak gaurko agerraldian azaldu du, egoerari jarraipena egiten ari direla eta Aita Mennik, berriz, jakinarazi du asteburutik ez dela positibo berririk atzeman eta lau langileri PCR proba errepikatzeko eskaera egin duela. Horietako batek bigarrenez eman du negatibo eta beste hiru langile proba egiteko zain daude.