Arrasateko udaltzaingoak martxoan, apirilean eta maiatzean egindako lanaren berri eman du, Maria Ubarretxena alkatea eta Zigor Andino udaltzainburuaren eskutik. Gaur goizean egindako agerraldian azaldu dutenez, koronabirusaren pandemiak eta alarma egoerak bete betean eragin dute udaltzainek burututako jardueren kopuruan eta izaeran. Are gehiago, Andinok aitortu du udaltzainen lana "bikoiztu" egin dela hiruhileko honetan.
Hiru hilabete hauetan, 959 kontrol dispositibo jarri dituzte Arrasateko udaltzainek, 2.217 pertsona identifikatu, hiru pertsona ikertu, 212 zigor proposamen gauzatu eta 5.254 ibilgailu geratu kontroletan. Trafikoarekin lotutako ohiko jardunak jaitsi egin dira, baita lapurretekin lotutakoak ere. Azken horiek gainera, hamar izan dira guztira hiru hilabetetan. Igo direnak berriz, elkarbizitza arazoekin zerikusia dutenak izan dira. COVID-19arekin lotutako kexak, bestalde, 160 izan dira ia.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
