Arrasateko Udal Gobernuak 2019ko otsailean aurkeztu zuen Araba Etorbidea berrizteko proiektua komunikabideen aurrean eta orduan ez zen ezer aipatu biribila apaintzeko hitz horiei buruz.
Gisa honetako letrekin egindakoak ez dira horren ohikoak inguruan. Donostian, Miramar jauregiaren aurrean, jarri zuten Donostia-San Sebastian letrekin. Lehenago, Bilbo-Bilbao letrekin ere jarri zuten Artxandan.
Debagoienean, lehenengoa da. Badira antzekoak: Garaia Berrikuntza Gunean, Arrasaten bertan; Oñatin, Zubillagako biribilean, lorez egindako Oñati deitura eta txantxikuaren irudia ageri dira; Bergaran, wolframioa aurkitu zen herria izanik, eta hari keinu eginez, bada eskultura bat Amillagako biribilean.
Baina Arrasateko Araba Etorbideko urbanizazio lan berrien barruan jarri dutena, estilo honetako lehena da.
Honen harira, sare sozialetan bolo-bolo ari dira inguruko herrietako antzeko irudiak, txantxa gisa egindakoak badira ere. Horiek gainera, zeresana sortu dute herritarren artean.