Aktibo mantentzeko ariketen berri emateko bi ikus-entzunezko egin dituzte Debagoieneko Erakunde Sanitario Integratuko errehabilitazio zerbitzuko profesionalek, eta pausoz-pauso ariketak azalduz, ospitalean dauden pazienteendako, ospitalizatuta baina etxeetan daudenendako, eta, baita konfinatuta dauden guztientzako zuzenduta daudela adierazi dute: "Badakigu epe luze batean geldi egoteak ondorio batzuk sor ditzakeela: Masa muskularra, edo indarra galtzea, eta kasu batzuetan, artikulazio batzuetako mugikortasuna galtzea. Horrek gure egunerokotasunean zailtasunak jartzen dizkigu, beraz, zenbait ariketa proposatu gura izan dugu, ondorio horiek saihesteko", adierazi du Deiane Lage mediku errehabilitatzaileak.
Olga Garai fisioterapeutak, bestalde, ariketen berri eman du: "Oinarrizko ariketak planteatzen ditug, besoekin eta hankekin egitekoak direnak. Gero, norberaren egoeraren arabera, ezarrita edo etzanda egin ditzakegu. Hal, mugikortasuna bilatzea helburu".
Ariketen bideoak Goienan
Aktibo mantentzeko ariketen bideoak ikusgai daude dagoeneko Goiena.eus webgunean, eta, Goiena Telebistan ere ikusgai izango dira gaurtik aurrera, egunero, 11:00etan eta 17:30ean.
