Urduritasuna eta aldi berean taularen gainera igotzeko poza sentimenduak nahasten dira parte-hartzaileen artean; guztiek, erakutsi zuten, baina, etxeko-lanak ondo eginda eraman zituztela. Kantarin estreinako aldia zuten batzuk, eta aurreko aldietan parte hartutakoak ziren beste batzuk. Kantari saioak grabatu ahal izateko lan-talde zabala dago atzean lanean, horien artean, mikrofonoak jartzeaz arduratzen direnak, eta diote parte-hartzaileak, orokorrean ondo prestatuta joaten direla.
Ane Rot, gonbidatu berezia
Zazpi eta hamaika urte bitarteko artistez gainera, gonbidatu bereziak ere izaten dira Kantari saioetan; horien artean, Ane Rot Arrasateko abeslaria pozarren igo zen taularen gainera. Telebista saio askotan abestu du Rotek, lehenengo aldia, baina, Kantari saioan izan dela ekarri du gogora.
Apirilean Goiena telebistan ikusgai
Apirilean izango da Amaia antzokian grabatutako hamar saioak Goiena telebistan ikusteko aukera. Astebururo hiru saio estreinatuko dira, goizez, 9:00etan, 9:30ean eta 10:00etan, eta, arratsaldez, 17:00etan, 17:30ean eta 18:00etan, eta astean zehar ere Kantari saio horiek telebistan ikusteko aukera gehiago izango dira.
Datorren asteburuan, Bergarako grabaketak
Honenbestez, Debagoieneko Kantari saioen grabaketak bukatzear daude, asteburuan Bergarako, Elgetako eta Antzuolako haurren eta gazteen txanda izango da Bergarako Zabalotegin zapatuan eta domekan, arratsaldeko 16:00etatik 20:00ak bitartean.
