CC.OO., ELA eta LABeko osasun arduradunek, onkologiako erizain Maitane Arteaga eta Asviamieko arduradun Jesus Ezkudunekin batera, amiantoaren eraginez kaltetutako biktimen kopuruaz eta hauen egoeraz jardun zuten. Moderatzailea Ainhoa Larrañaga irakaslea izan zen, ustez amiantoaren eraginez hildako baten senide ere badena –ahalegindu arren ez zuten amiantoaren eraginez hil zenik frogatzerik lortu–.
Amiantoaren arriskuak ez minimizatzea, enpresek eta instituzioek euren erantzukizuna onartzea, biktimen kalte-ordainen funtsa sortzea eta langileen eskubideak bermatzea jorratu zituzten, besteak beste. Maitane Arteaga onkologiako erizainak amiantoarekin kontaktua izatearen arriskuak eta honek eragin dezakeen gaixotasunak zeintzuk diren azaldu zituen.