Emakume Txokoak otsailetik maiatzera bitartean eskainiko dituen ekintzen eta ikastaroen berri eman du. Antolatzaileek diotenez, lanketa pertsonala eta kolektiboa uztartzen duten jarduerak dira: "Elkarrekin lan egiteko aukerak, giro onean, emakumeon eskubideak erdigunean ipiniz eta geu, emakumeok, protagonista izanik".
Gorputzaren lanketa
Gorputzak lantzeko proposamen ugari aurkitu ditzakegu sei hilabete honetako egitarauan. "Osasunean erreparatuz, ahalduntzea sustatuz, plazak hartuz, sorkuntzatik eta feminismotik... emakumeok garelako protago-nistak", azaldu dute antolatzaileak. Esaterako, astelehenero, zoru pelbikoa indartzeko ikastaroa eta Gure gorputza despatriarkalizatuz ikastaroak egongo dira.
Izen-emateak
Urtarrilaren 20tik 24ra bitartean izango da izena emateko epea. Ikastaroetan parte hartuko den jakinarazteko epea: urtarrilaren 27tik 31ra.
- Emakume Txokoan
- Posta bidez: emakumetxokoa@arrasate.eus
- Telefonoz: 943 79 41 39 /618 206 23
Informazio gehiagorako, www.arrasate.eus/emakumetxokoa