Garaia sariak, Arrasateko Parke Teknologikoaren ekosistemaren barruan finkatutako ekimena da eta berrikuntzarekin, ekintzailetzarekin eta lankidetzarekin konpromiso bikaina erakutsi duten enpresen eta haien pertsonen lana omentzeko eta aitortzeko helburua du. Bosgarren edizio honetan, parkeko enpresak izan dira saritutako enpresa aukera dutenak eta asko eskertu dute aitortza hau, hala dio Saiolaneko eskualde garapen arduraduna den Angel Mari Etxabek:"Oso pozgarria izan da saria jasotzea, batez ere beste enpresak aukeratu gaituztelako. Oso garrantzitsua da guretzako horrelako aitortza jasotzea".
Saiolanen eginkizuna
Saiolanen helburua da, Debagoienaren eta bertako herritarren garapena eta oparotasuna zaintzea eta beraien arrakastaren giltzarria giza faktorea proposatzen dutela litzateke. Horregatik, egunerokotasunean pertsona ekintzaileak eta erakundeak dinamizatzen dihardute, berrikuntza, enplegu egonkor eta kualifikatua eta gizarte hobe bat lortzeko asmoz. Horrekin batera, Saiolanek izaera berritzaileko proiektu berriei laguntzeko jarduerak aurreikusten ditu.
