Urte berriaren hasiera iragartzen duten kanpaikadak jo eta ordu eta hiru ordu laurden ingurura etorri zen mundura Debagoeieneko ospitalean Adei Madina Lopez arrasatearra, 2020an Gipuzkoan jaiotako lehen umea.
Berez urtarrilaren 2rako zegoen aurreikusita 2,820 kilogramo pisatu dituen Adeiren jaiotza eta Gipuzkoako jaiotako lehen umea izateak hedabideen partetik piztu duen ikusminak, ezustean harrapatu ditu gurasoak.
Akaso urte berria baino lehen jaioko zela esan arren medikuek, gurasoen desioa kontrakoa zen. Izan ere, 2020ak, aitatasuna baimenaren luzatzea ekarri du berarekin, zortzi astekoa izatetik, hamabi astekoa izatera pasatuaz.
Gipuzkoako jaiotako lehen umea izateak, gainera, ekarri die bestelako onurarik, Gipuzkoako Okindegien Elkartearen eskutik, urtebetez bi ogi doan izango dituzte-eta egunero.
Azken umea aretxabaletarra
Debagoieneko ospitalean 2019an azkeneko jaiotako umea, ostera, Markel Azkarraga Irizar aretxabaletarra izan zen; abenduaren 31an bertan jaio zen.