Ugaitz Alegria (aktorea): "Mari Errauskin ipuin klasikoaren bertsio garaikidea eskainiko dugu"

Kantuan, dantzan eta jolasean "printzesen ipuinari buelta eman diotela" azaldu du Glu Glu antzerki konpainiako Ugaitz Alegria aktoreak Arrasate Irratiko eguazteneko Igo Autobusera! saioan: "Gehiegikeriak gertatzen diren egoeratan mutu ez geratzea zein garrantzitsua den azpimarratu nahi dugu; antzerki musikala da zuzenean abesten ditugu askotariko doinu ezagunekin sortu ditugun kantuak".

Labetik atera berri duten Mari Errauskin antzezlana Amaia antzokian eskainiko dute zapatuan, 17:00etan. Bost sarrerak dira sarrerak eta aurrez Arrasate.eus atarian eros daitezke. Arrasate Irratian bihar, eguena, egingo dute Udaleko Kultura Sailaren eskutik jaso dituzten gonbidapenen zozketa; parte hartzeko deitu 943 25 05 05 telefonora, edo idatzi irratia@goiena.eus helbidera.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.