Entzuleekin batera osatu gura dute Arrasate Irratiko Igo Autobusera! saioa, eta bi dira herriko irratiarekin bat egiteko moduak: 943 25 05 05 telefonora deituta edo Irratia@goiena.eus helbidera idatzita. Irratiarekin bat egiteko aitzakiak, berriz, askotarikoak izan daitezke: kantuak eskatzeko, gaizki esandakoak zuzentzeko, ondo esandakoak txalotzeko eta baita asteko zozketatan parte hartzeko ere.
Irratiko lagunek asko eskertzen dute entzuleen partetik jasotzen duten feed-back-a, horren erakusle gaurko saioa atzoko Kooltur Ostegunak kontzerturako sarrerak irabazi zituen Naiara Larrañaga entzuleak goizean bidali duen mailarekin zabaldu dutela. Hona hemen Larrañagak atzoko kontzertuan atera zuen eta Arrasate Irratira bidali zuen argazkia. Eskerrik asko!
