San Prudentziotik Kataide industrialdera doan bidegorri zatiak 690 metro ditu eta funtsezkoa izango da Deba Ibarreko foru-ibilbidearen barruan.
Proiektuak 227.199,19 euroko aurrekontua izango du eta Arrasateko Udalak Aldundiari egin dion eskaerari erantzuten dio.
Oso osorik Arrasateko udalerrian dagoen eta San Prudentzio eremua eta Kataide Industrialdea lotzen dituen bidegorria egokituko da bai oinezko eta bai txirrindularien erabilerarako. Handitzeko obrak 2020.urtearen hasieran hasiko dira.
Kataide eta Arrasateko ekialdeko tokiko bidegorria lotzeaz gain, zorua egokitu eta handitu, espaloiak eta zintarriak konpondu eta seinaleztapena eta argiztapena hobetuko dira.
