Bi fase
Espaloia eraberritzeko lanak bi fasetan banatuko dira: lehena, MRWren bulegoaren paretik, Errando Gebara kale-burura eta bigarrena, Errando Gebara kale-burutik Kabiako biribilgunera. Espaloiak eraberritzearekin batera, zebra-bideak eraberrituko dira araudira egokitzeko. Horrez gain, gune horretako saneamendu-sarea ere aztertuko da. Oscar Garcia, OZMA batzordeko buruak espaloiaren itxura nolakoa izango den aipatu du: "Gure asmoa da Gipuzkoa etorbideko bi espaloiek itxura berdina izatea, horregatik, beste aldeko baldosa berak jarriko dira".
Trafikoan eragina
OZMko zinegotziak adierazi du, lanek ez dutela trafikoan arazorik eragingo: "Baliteke momenturen batean, trafikoa txandakatua izatea, baina ez dugu trafiko mozketarik aurreikusi".
Hirugarren fasea
Gipuzkoa etorbideko espaloiaren eraberritze lanen proiektuak hirugarren fase bat izango du, 2020an egitea aurreikusten dena: "Hirugarren faseko lanak autobus geltokitik kiroldegira bitartean izango dira eta horiek 2020ko aurrekontuetan egitea aurreikusten dira. Kasu honetan, arazo gehiago izango ditugu autobus geltokia dagoelako".