Gonzalezek dio hainbat istripu izaten ari direla. "Istripu ugari izan dituzte, eta nik dakidala ekainaren 28koa izan da azkena. Hondeatzemakina Lizuetako aretx lekuan zebilen lanean, baina kontrola galdu eta irauli egin zen. Langileak zauria izan zuen beso batean, eta enpresakoek auto batean eraman zuten ospitalera, anbulantziari deitu gabe".
Zauritua auto batean eraman izanak Gonzalezen susmoak piztu zituen. Hura estali nahian ari zirela pentsatu zuen, eta ostean egindako dei batzuen ostean, hori baieztatu zuen: "SOS Deiak-era deitu nuen, baina ez zuten gertatutakoaren inongo zantzurik. Ostean, Ertzaintzara deitu nuen, eta erantzun berdina. Osalanera ere deitu nuen eta ezer; eta zirkulua ixteko Arrasateko Udaltzaingora, eta berdin".
Ikusitakoak ikusita Gonzalezek salaketa jarri zuen sorospen-omisioagatik. Uztailaren 3an jarri zuen, 1 zenbakiko Gasteizko Instrukzio Epaitegian .