200 lagunek hartuko dute parte domekako danborradan

Zortzi konpainia –bost danbor-joleekin eta hiru barril-joleekin–, abiatuko dira ekainaren 23an, domeka, Biteri plazatik 23:15etan; eta horien artean, konpainia berri bat izango da aurten, Arrasate Herri Eskolako Guraso Elkarteak sortu duen Herrikoia izenekoa. SUDC elkarteak dauka danborrada antolatzeko ardura; hori horrela, elkarteko presidente Juan Luis Arkauz gonbidatu dute gaurko, egubakoitza, Arrasate Irratiko Igo Autobusera! saiora.