Oscar Garcia alkategaia herritarrekin ibili da gaur goizean. Alderdiaren programak eta arrosak banatu ditu merkatura hurbildu direnen artean. Azken orduko proposamenen bat edo beste ere jaso du herritarren aldetik. Eta hori da bereziki hauteskunde kanpainatik azpimarratu duena, herritarrekin izandako hartu-emana.
Alkategaiarekin batera, alderdi sozialistaren zerrendako beste hainbat hautagai egon dira herritarrekin partekatze. Era berean, Isasias Carrascoren alargun Marian Romero ere egon da arrosak banatzen. Hamabigarren lekuan doa zerrendan. Parlamentario ohi Rafaela Romero ere egon da Arrasaten.
Eta sozialistak gogotsu daude domekara begira. Hauteskunde kanpainan jaso duten babesa handia izan dela aipatu du Garciak. Orain espero dute babes hori emaitzetan islatzea.
Lanean jarraitzeko konpromisoa
Dena den, Arrasateko udal hauteskundeetako emaitzak ez baditu sozialisten helburuak betetzen, herriarengandik eta herriarendako lanean jarraitzeko konpromisoa berretsi du Garciak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak