Bete-beteta egin du FMko 107.7ko autobusak asteko azken ibilbidea uhinetan barrena; astebururako askotariko proposamenak jaso dituzte, eta horien artean, bitxikeriak ere bai, Aitor Agiriano Goienako lankideak bihar Israelen egingo duten Eurovision lehiaketaren gaineko bitxikeriak kontatu ditu. Egubakoitzero moduan, kirol kontuei ere lekua egin diete albistegian, eta atzo Realeko jokalariekin bizi izan zituztenak azaldu dituzte Aitor Agirianok eta Mireia Bikuñak.
Asteburuan, zapatu eta domekan, 10:00etan hasita, astean zehar Arrasate Irratian egindako elkarrizketen bilduma eskainiko dute; eta sorta horretan izango da, era berean, martitzenean, Goiena Telebistan Arrasateko alkategaiekin Eneko Azkaratek gidatu zuen debatea entzungai.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.