Panderoak duen presentzia nabarmentzeko, jaialdia Kulturaten

Bigarren pandero jaialdia egingo du bihar, eguena, Trikitixa Eskolak; helburua, sarritan bigarren planoan geratzen den panderoari garrantzia ematea. Punta-puntako pandero-joleak gonbidatu dituzte Maider Osak gidatuko duen solasaldian parte hartzera: Ramon Zubizarreta Landakanda, Zumarragako trikiti eskolako Migel Urteaga Oria, eta Manuel Arrizabalaga, Izer. Solasaldia 18:00etan hasiko da, eta ondoren, eskolako pandero-joleek emanaldia eskainiko dute. Arrasate Trikitixa Eskolako zuzendari Maixa Lizarribar izan da gaur Arrasate Irratiko Igo Autobusera! saioan.