Deiane Moreno (zinegilea): "Eskertzekoak dira gure lanak jendaurrean erakusteko aukera guztiak"

Irakaslea da ofizioz, –gaur egun, Abetxukoko eskolan ari da–, baina sortzea oso gustuko du, eta, besteak beste, poesia idatzi eta film laburrak egiteko zaletasuna du Deiane Moreno arrasatearrak. Donostiako Larrotxene zine eskolako ikaskideekin egin duen 'Alde Erantzia' film laburra bihar, eguaztena, Kulturateko areto nagusian eskainiko dute, 19:00etan, 'Zinegoak Hedapena' ekimenaren baitan. Arrasate Irratiko 'Igo Autobusera!' saioan izan da zinegilea.