Mapatzea sorkuntza prozesu bat da, Arrasateko herritarrekin egin gura dena bideoak, audioak, argazkiak, edota artxiboko materiala bezalakoak erabilita. Teknologia berriez baliatuko dira horretarako, eta eraldaketa sozialean eragiteko mugikorrak erabiltzen dituen Moviltik elkarteak gidatuko du prozesua.
Prozesuari berari dagokionez, larunbat goizetan izango diren hiru saio egingo dituzte: lehenengo saioa, martxoaren 1ean izango da, eta bertan, herritarrek mapatze analogikoa egingo dute, jaso gura dituzten elementuak identifikatzeko. Bigarren eta hirugarren saioak, martxoaren 9an eta 16an egingo dira.
