Juan Ramon Garai Intxorta 1937 kultur elkarteko kideak adierazi duenez, 100dik gora izango ziren muga zeharkatu zuten arrasatearrak, baina haiek 75 dituzte identifikatuta, zerrenda batean. "500.000 pertsonatik gora pasatu ziren Frantziara, faxistengatik ihesi. Negua zen, eta oso baldintza txarretan egin zituzten lehen hilabetetan. Gero, Eusko Jaurlaritzak leku bat prestatu zuen Gürsen. 6.000 euskaldun inguru joan ziren horra, horietatik 50 arrasatearrak", dio.
Atzo, eguena, zabaldu zuten erakusketa, eta Josu Chueca historialariak hainbat azalpen eman zizkien gerturatutakoei, bisita gidatu baten bidez.
Ostean, bukatzeko, De la Retirada a la Reconquista izeneko dokumentala proiektatu zuten, eta Anita Fernandinok hainbat azalpen eman zituen.
Astebete
Astebetez egongo da zabalik erakusketa, otsailaren 14ra arte, eta Garaik gerturatzeko deia egin die herritarrei.