MUko Ikus-entzunezko fakultatean hilean behin egiten dute EKT –Euskal Kulturgintzaren Transmisioa– graduondokoa, eta Goienako kazetari Maider Arregi da ikasleetako bat. Asteburuan egin dituzten urtarrileko saioetan tradizioa hartu dute ardatz baina modernitatearen, gaur egungo prismatik edo begiradatik, ikusia. Gaurko, astelehena, Igo Autobusera! saioan laburbildu ditu Arregik saioek emandakoak.
Askotariko adituak izan dira oraingoan ere, horien artean: Iñaki Zabaleta filosofoa, Joxe Angel Irigaray mediku, poeta eta pentsalaria, eta Juan Karlos Etxegoien, Xamar, idazle eta irakaslea. Zabaletak, Wilhem Von Humboldt humanistaren inguruan jardun du, Joxe Angel Irigarayk Nafarroako egoera aztertu du, eta Xamar-ek tradizioaren transmisioaren gaiari buruz egin zuen berbaldia.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.